Ajo aktualisht është në Sidnej, e zënë me projekte të reja pune.
Rita Ora shfaqi fizikun e saj të bujshëm në një paraqitje me bikini të lëkurës së gjarprit të shtunën ndërsa zbuloi ‘disponimet’ e saj të ndryshme në një seri fotografish të publikuara në Instagram, shkruan Daily Mail.
Këngëtarja 30 vjeçare, u sigurua të përfshinte një fotografi të adhurueshme nga fëmijëria e saj, ku shquhej si një kaçurrele ngjyrë çokollate.
Në një foto tjetër, ajo zbuloi profilin e saj anësor ndërsa po merrte një pamje dramatike të makijazhit.
Rita duket se ishte në skenë për fotografinë e improvizuar, ndërsa ishte ulur në një makinë retro ngjyrë rozë para se të hidhej për të zbuluar veshjen e saj të plotë.
Ylli i muzikës pop mbylli derën e makinës në fotografi përpara se të ndante me ndjekësit edhe një ‘selfie’.
Interpretuesja e hitit “Hot Right Now“ shfaqi sensin e saj eklektik të stilit ndërsa u shfaq pa sytjena në një xhaketë sportive me shirita, të cilën ajo e kombinoi me pantallona të ngjashme.
Ajo e kompletoi pamjen me një kapelë bejsbolli teksa kishte vënë disa bizhuteri ari, duke dekoruar kyçet, qafën dhe gishtat e saj.
Në fotografinë e fundit të këtyre serive në Instagram, Rita shfaqi bukurinë e saj natyrale ndërsa pozoi pa makijazh.
