Edicioni i 65-të i “Eurovision” ka përfunduar duke shpallur fitues Italinë me grupin Maneskin, të cilët arritën të grumbullonin 524 pikë.
Kënga e tyre “Zitti E Buoni” bëri që një grup të jetë fitues i “Eurovision”. Kjo nuk kishte ndodhur që prej vitit 2006, ndërsa pas 31 vitesh që prej vitit 1990, Italia do të jetë vitin e ardhshëm vendi ku do të zhvillohet “Eurovision”.
Kjo ishte hera e dytë në historinë e “Eurovision” për Mbretërinë e Bashkuar që të vlerësohet me 0 pikë. Këngëtari James Newman ishte më i “sikletosuri” i mbrëmjes pasi jo vetëm ishte i fundit në listë, por edhe me 0 pikë (ka ndodhur edhe në vitin 2003).
Shtete të tjera që u vlerësuan me 0 pikë nga juria e profesionistëve ishin edhe Spanja, Gjeramania dhe Holanda, por këto arritën të merrnin disa pikë nga votat e publikut.
Ky edicion u mbajt në Roterdam, Holandë me një numër të kufizuar prej 3,500 fansash. Islanda u detyrua të ishte në një lidhje direkte për shkak të një rasti me Covid në grupin e tyre.
Shqipëria e përfaqësuar nga Anxhela Peristeri me këngën “Karma” u vlerësua me 57 pikë duke u renditur në vendin e 21. Lexo më shumë: Cilat shtete votuan Shqipërinë në finalen e “Eurovision”
Në historinë e prezantimit të “Eurovision” në këtë edicion vjen për herë të parë ishte një transgjinore, Nikkie de Jager.
“Rock and roll nuk ka vdekur“, por një këngë e tillë pëlqehet dhe është shpallur fituese.
