Këngëtarja shqiptare me famë botërore, Bebe Rexha, jeton në Los Angeles të Kalifornisë prej më shumëse 10 vitesh.
Por ajo është lindur e rritur në New York dhe shpesh viziton familjen e saj atje, përkatësisht prindërit, të cilët vazhdojnë t’i jetojnë në shtëpinë e tyre në Staten Island të New Yorkut.
Rexha e cila është duke shijuar suksesin e albumit të saj të dytë, “Better Mistakes”, ka treguar së fundmi për US Weekly disa fakte interesante rreth saj, të cilët fansat mund të mos i kenë ditur më parë.
Mes shumë fakteve të përmendura rreth vetes, ajo thotë se kur kthehet në New York te shtëpia e prindërve të saj, ajo ende vazhdon të flejë në të njëjtën dhomë ku ka fjetur gjithmonë gjatë kohës sa është rritur.
Një fakt interesant që 31-vjeçarja e bëri të ditur për fansat është fakti se pavarësisht se është një milionere dhe shumë e ngarkuar me punë, ajo gjen kohë që në shtëpinë e saj luksoze në Los Angeles, të kultivojë një kopsht me perime.
“Unë kam një kopsht të madh me domate në oborrin tim. Babai im u rrit në një fermë në Maqedoni dhe më mësoi pak për kopshtarinë”, ka treguar Bebe Rexha për US Weekly.
Babai i këngëtares, Flamur Rexha, është rritur në Dibrën e Madhe nga ku edhe familja e saj ka prejardhjen, gjersa nëna e saj, Bukurije Rexha, është me prejardhje nga Gostivari.
Kjo e shpjegon edhe faktin se pse disa herë në InsatStory, këngëtarja e hiti “I’m a mess” publikon pamje të kopshtit të saj me domate, duke treguar për mënyrën se si e mirëmban.
