DJ Tiësto do të bëhet sërish baba!
Producenti holandez i muzikës, 53 vjeç, njoftoi në Instagram të hënën (4 prill) se ai dhe gruaja Annika Backes po presin fëmijën e tyre të dytë së bashku.
Çifti tashmë janë prindër të vajzës Viola Margreet, 16 muajshe.
Tiësto, emri i vërtetë i të cilit është Tijs Michiel Verwest, ndau lajmin emocionues së bashku me fotot e çiftit në ceremoninë e 64-të vjetore të çmimeve “Grammy” të së dielës (3 prill) , ku Backes zbuloi barkun e rrumbullakosur në tapetin e kuq.
Në një foto, DJ vendos dorën në barkun e gruas së tij dhe puth barkun e saj në një tjetër. “Po bëj një tjetër fëmijë me dashurinë e jetës sime ”, ka shkruar ai.
Backes ndau të njëjtat foto në faqen e saj, ku njoftoi gjithashtu se çifti është në pritje të një djali, shkruan People.
Çifti, i cili u martua në shtator 2019, prezantoi për herë të parë vajzën Viola krahas fotove të porsalindurit në nëntor 2020.
Tiësto dhe gruaja e tij u takuan në restorantin Catch në New York në vitin 2015 dhe u fejuan në vitin 2018 gjatë festës së Falenderimeve, zbuluan çifti më parë për “Vogue”.
“Ne filluam të dilnim për dy muajt e ardhshëm dhe kur Coachella erdhi, vendosëm një ditë më parë të shkonim së bashku”, tha Backes.
“Ne e kaluam fundjavën duke vrapuar rreth festivalit dhe duke kaluar kohën më të mirë, vetëm ne të dy. Nuk u lodhëm me njëri-tjetrin për asnjë sekondë, madje fluturuam përsëri në New York dhe ende nuk donim të lini njëri-tjetrin”, kujtoi Backes takimet e tyre të para.
