Reperi i njohur, Don Xhoni ka përmbyllur një vit mjaft të suksesshëm me shumë projekte të reja e mbrëmje muzikore.
Teksa jemi në periudhën e dimrit, reperi nga Drenica ka zgjedhur këtë kohë që të shijojnë pushimet në bregdet.
Rap-artisti ka postuar pamje nga pushimet duke mos zbuluar se ku ndodhet teksa edhe ka bërë një deklaratë ngacmuese.
“Pushimet verore unë i kaloj tani se verës duhet dikush me i kall ndejat”, ka shkruar Don Xhoni në mbishkrimin e një postimi.
Theksojmë që reperi aktualisht po shijon suksesin e ‘EP’-së së parë që solli në dhjetor të vitit të kaluar, e cila përmbante gjithsej katër këngë.
Krahas këngëve solo, reperi vitin e kaluar solli edhe një bashkëpunim tejet të suksesshëm me këngëtare, Era Istrefi.
Dyshja publikuan “Hala” që u kthye në një hit dhe deri më tani ka grumbulluar mbi 40 milionë klikime në kanalin zyrtar në YouTube.
