Aktori i ELVIS Austin Butler është ndarë nga Kaia Gerber pas tre vitesh.
Burimet kanë thënë për TMZ se çifti i dhanë fund lidhjes së tyre romantike në fund të vitit 2024, duke hyrë në vitin 2025 si beqarë.
Por pavarësisht ndarjes së çiftit, ata i kanë mbajtur gjërat në kushte të mira, pasi mes tyre nuk ka “hatërmbetje”.
Austin, i cili luajti Elvisin në filmin hit, filloi të takohej me Kaia, e cila është një modele e famshme, në vitin 2021.
Në vitin 2023, thashethemet e fejesës ishin të përhapura kur Austin ndihmoi Kaia të transferohej në një shtëpi të re, pavarësisht se nuk dihej nëse ata jetonin së bashku.
Thashethemet u shtuan edhe më shumë në kohën kur u raportua se Austin i propozoi Kaias në prill të atij viti.
Por një burim i afërt me çiftin foli shpejt dhe konfirmoi se çifti nuk ishin të fejuar.
Edhe pse çifti filloi lidhjen në vitin 2021, ata nuk e bënë publike romancën e tyre deri vitin e ardhshëm.
