Prototipi i raketës Starship i SpaceX-it ka shpërthyer gjatë tentimit të aterrimit kthyes, disa minuta pas fluturimit provues në dukje të rëndomtë nga stabilimentet për lansim të kompanisë në Teksas, tregon videoja live e fluturimit.
Raketa e shkatërruar Starship ishte prototip i raketës së rëndë lansuese me lartësi 52 metra, të cilën e ka zhvilluar kompania private hapësinore e Elon Muskut pra bertjen e njerëzve dhe ngarkesës prej 100 tonelatash në misionet e ardhshme në Hënë e Mars.
Raketa vetë-drejtuese shpërtheu kur u ul në mbështetësen për aterrim pas zbritjes së kontrolluar. Fluturimi provë kishte për qëllim të arrinte lartësinë prej 12.5 kilometrash, i mundësuar për herë të parë nga tre motorë Raptor të sapozhvilluar të SpaceX-it.
Musk ka shkruar në Twitter menjëherë pas aksidentit se "presioni në rezervuarin e karburantit ishte i ulët" gjatë zbritjes, "prandaj shpejtësia e kontaktit ishte e lartë".
Ai ka shtuar se SpaceX-i ka marrë "të gjitha të dhënat që u duheshin" nga testi.
