Një grua e re ka vdekur pas një sulmi të dyshuar nga një peshkaqen në Zelandë të Re.
Viktima u nxor nga uji ende gjallë por vdiq në vendin e ngjarjes pavarësisht përpjekjeve për të shpëtuar jetën e saj. Policia tha se ajo dukej të jetë sulmuar nga një peshkaqen.
Sulmi ndodhi në plazhin Waihi jo shumë larg qytetit më të madh të vendit Auckland, shkruan BBC.
Sulmet e peshkaqenëve janë të pazakonta në këtë vend dhe kjo mendohet të jetë fataliteti i parë që nga viti 2013.
Mediat lokale citojnë dëshmitarë që thoshin se kjo grua po notonte pikërisht përpara flamujve të rojeve të së enjtes. Kur dëgjuan britma, kujdestarët dolën menjëherë me anije dhe e tërhoqën atë në breg.
Policia e Zelandës së Re ka lëshuar një deklaratë që konfirmon se gruaja ishte plagosur në ujë dhe se ajo vdiq menjëherë më pas.
Autoritetet nuk ishin në gjendje të konfirmonin menjëherë shkakun e vdekjes, por thanë se “indikacionet janë që ajo ishte plagosur nga një peshkaqen”.
