A e keni ditur se stafi i restoranteve të njohura të fast food, si McDonald’s, ju qesin në foto kur jeni në drive-thru? Po, e bëjnë këtë dhe një punëtor ka treguar arsyen pse.
Një punëtor i McDonald’s e tregoi këtë “sekret” në një video të publikuar në TikTok. Sipas saj, ata e bëjnë këtë për të ditur se kush çfarë ka porositur.
Në video, e cila është shikuar më shumë se 5 milionë herë, Katie iu flet ndjekësve të saj dhe iu tregon se si funksionon i gjithë ky proces. 17-vjeçarja thotë: “A keni menduar ndonjëherë se si e dimë se cila veturë ka porositur çfarë ushqimi? E kemi një kamerë e cila ju bën foto juve dhe veturës tuaj”.
Ajo thotë se kamera i bën një foto veturës kur klienti zgjedh atë që dëshiron dhe e lidhë atë me porosinë. Kjo do të thotë se punëtorët thjeshtë duhet ta japin porosinë sipas veturës, në mënyrë që mos t’i ngatërrojnë ushqimet.
