Vaksina e Modernas kundër COVID-19 duket se ka efekt pozitiv kundër varianteve të reja të virusit të gjetura në Britani dhe Afrikën e Jugut, thonë shkencëtarët e kompanisë farmaceutike.
Testimet e hershme laboratorike sugjerojnë se antitrupat e marrë nga vaksina, mund t’i njohin dhe t’i luftojnë variantet e reja.
Më shumë studime duhet konfirmuar nëse kjo është e vërtetë për njerëzit që janë vaksinuar.
Variantet e reja po përhapen shpejt në shumë vende, shkruan BBC. Ata kanë pësuar mutacione që do të thotë se njerëzit mund të infektohen më lehtë se virusi i paraqitur fillimisht.
Vaksinat aktuale janë dizajnuar për variantin e mëhershëm që shkaktoi pandeminë, por shkencëtarët besojnë se ato mund të jenë të efektshme ndaj varianteve të reja.
