Pavarësisht pandemisë në tokë, grupi “Open Arms” vijon operacionet e shpëtimit të emigrantëve në det të hapur. Për shumë ditë, aktivistët kanë qenë nën mbikëqyrjen e patrullave detare libiane, që në disa raste janë mundur t’i frikësojnë.
Patrullat në fjalë u kërkojnë atyre të largohen, por aktivistët thonë se ndodhen në ujëra maltezë.
Më në fund, në 6 të pasdites ata panë një varkë me mbi 40 persona në bord, përfshirë një grua me fëmijën e saj 3-muajsh dhe fëmijë të pashoqëruar. Ata kishin lundruar për 24 orë në një varkë prej druri dhe vinin nga Sudani, Egjipti, Kameruni, Algjeria dhe Maroku.
Pas disa orë kërkimesh dhe përballje me rojën bregdetare libiane, që na kërkoi të tërhiqeshim nga ujërat e Libisë, kur në të vërtetë ishin ujëra malteze, “Open Arms” ka gjetur 45 persona në këtë varkë prej druri, përfshirë një grua me të birin. Askush në varkat e shpëtimit nuk po përpiqet të marrë në bord personat e mbetur në të.
Operacionet e shpëtimit vazhdojnë derisa dielli perëndon. Të gjithë emigrantët janë transferuar në varkën kryesore. Për “Open Arms” bëhet fjalë për një tjetër mision të përfunduar.
Sidoqoftë, pavarësisht shpëtimit, një tjetër problem për emigrantët është se ku do të zbarkojnë. Dy vjet më parë, anija e aktivistes Carola Rackete, e cila punon për organizatën e ngjashme “SeaWatch”, qëndroi për disa javë në brigjet e ishullit italian të Lampeduzës, në pritje për t’u ankoruar, pasi ministri i Brendshëm i asaj kohe i Italisë, Matteo Salvini nuk lejonte zbarkimin e refugjatëve.
