Kryeministri australian, Scott Morrison, sot i kërkoi falje një ish-punonjëseje të Qeverisë e cila pretendoi se ishte përdhunuar nga një kolegu në Shtëpinë e Parlamentit, dy vjet më parë.
Morrisoni premtoi një hetim mbi përdhunimin e pretenduar, një ditë pasi ish-anëtarja e stafit tregoi në media historinë e saj.
Brittany Higginsi pretendon se u përdhunua nga një ish-kolegu në zyrën e ministrit të Mbrojtjes, pas një ngjarjeje pune në mbrëmje në mars të vitit 2019.
Të hënën në një intervistë për shfaqjen australiane “The Project”, Higgins tha se u përpoq të shkonte në shtëpi, por kolegu anonim këmbënguli që ata të shkonin në Shtëpinë e Parlamentit me një taksi për të “marrë diçka”, ku ajo më pas u gjet në një divan .
Ajo tha se kur i kërkoi që të ndalonte, ai nuk e bëri. Higginsi nuk e ka identifikuar publikisht përdhunuesin e saj të pretenduar.
Higginsi tha se ajo foli me policinë në fillim të prillit 2019, por vendosi të mos bënte një ankesë zyrtare midis shqetësimeve në lidhje me perspektivat e saj të karrierës.
“Kjo nuk duhet të kishte ndodhur dhe unë kërkoj falje”, u tha Morrisoni gazetarëve në Canberra. “Unë dua të sigurohem që çdo grua e re që punon në këtë vend të jetë sa më e sigurt që të jetë e mundur”.
Në një deklaratë për CNN-in, Higginsi tha se ajo kishte dalë përpara mediave, sepse nuk donte që ajo që i ndodhi asaj, të ndodhte me dikë tjetër.
Në deklaratën e saj, Higginsi bëri thirrje që Parlamenti të krijojë një mekanizëm të pavarur raportimi përmes të cilit ankesat mund të bëhen në mënyrë konfidenciale.
