India është duke u përballur me gjendje jashtëzakonisht të vështirë për shkak të numrit rekord të rasteve të reja me Covid-19 dhe vdekjes së mijëra njerëzve përditë. Kriza tashmë ka shkuar në nivel tjetër – ka filluar të shfaqet mungesa e druve për djegien e kufomave.
Krematoriumet në Indi po raportojnë për mungesë të druve për djegien e kufomave pas përballjes me rritje rekorde të rasteve fatale
Djegia e kufomave fillon që para agimit, kur punëtorët i pastrojnë mbetjet e natës paraprake, thotë kryekorrespondentja ndërkombëtare e televizionit CNN, Clarissa Ward.
Një punëtor, familja e të cilit ka punuar me gjenerata të tëra në Varanasi, një prej qyteteve më të dalluara të Indisë, thotë se për çdo ditë në krematorium arrijnë 100 deri në 150 trupa të viktimave.
Krematoriumi kryesor i qytetit është aq i stërngarkuar, saqë u desh që të ndërtohet një krematorium tjetër i improvizuar në brigjet e Lumit Gang. Gjatë dy orëve sa korrespondentja qëndroi në atë vend, u sollën shtatë kufoma.
Një tregtar i druve tha se kërkesa për këtë lëndë është katër herë më e lartë se zakonisht dhe se tre furnizuesit e tij kryesorë kanë mbetur pa dru.
As India reports its highest ever daily surge of Coronavirus cases, CNN's @clarissaward visits a crematorium in the country's holiest city on the banks of Ganges River.
— Anderson Cooper 360° (@AC360) May 7, 2021
The situation "has become so bad that shortages have been reported of wood, needed for the funeral pyres." pic.twitter.com/ngojsAucVW
