Qyteti australian i Sidneit ka regjistruar rritjen e tij më të lartë ditore në rastet e Covid në muaj, pavarësisht se ishte në bllokim për gati dy javë, raporton BBC.
Qeveria e shtetit të Uellsit të Ri Jugor raportoi 38 raste në kryeqytetin e saj të enjten, duke e rritur numrin e rasteve mbi 370.
Autoritetet thanë se njerëzit po shkelnin rregullat e bllokimit duke shkuar në familje të tjera.
Ata u janë lutur banorëve të respektojnë urdhrin për qëndrimin në shtëpi.
"Ne thjesht kemi nevojë për njerëz që të ndalojnë së bashkëvepruari për të funksionuar ky bllokim," tha kryeministri i NSW Gladys Berejiklian.
"Ju lutemi ndaloni së vizituari njerëz brenda dhe jashtë familjes suaj. Familja juaj e ngushtë do të thotë ata me të cilët jetoni, nuk do të thotë familje e gjerë ose miq," tha ajo.
