Bisedimet e fundit midis qeverisë Afgane dhe Talibanëve në Doha përfunduan pa përparim të rëndësishëm të dielën edhe pasi lideri suprem i kryengritësve tha se ai "favorizon me forcë" një zgjidhje politike të konfliktit, raporton France24.
Përfaqësues të lartë të qeverisë së Kabulit duke përfshirë kreun e Këshillit të Lartë për Pajtimin Kombëtar Abdullah Abdullah shkuan për dy ditë bisedimesh intensive ndërsa lëvizja islamike e vijës së ashpër shtyn një ofensivë gjithëpërfshirëse në Afganistan.
Ata kishin kërkuar të ringjallnin bisedimet e paqes të bllokuara prej kohësh, por në një deklaratë të përbashkët ranë dakord mbi nevojën për të arritur një "zgjidhje të drejtë" dhe për t'u takuar përsëri "javën e ardhshme".
Përpara ditës së dytë të bisedimeve, lideri suprem i Talibanëve Hibatullah Akhundzada kishte thënë "Emirati Islamik favorizon me forcë një zgjidhje politike" pavarësisht nga fitoret e grupeve në terren.
