Afganët që mbërritën në Frankfurt të kërkurën kanë përshkruar udhëtimet e tyre "të frikshme" të evakuimit.
"Na u desh të kalonim me forcë dhe djali im i vogël u rrëzua dhe ne kishim frikë, por ia dolëm," tha një grua për Reuters, përcjell Bota sot.
Agjencia e lajmeve tha se disa nga ata që mbërritën fshinë lotët dhe përqafuan anëtarët e familjes në aeroport.
"Të gjithë duan të dalin jashtë", tha burri i një gruaje, duke mbajtur fëmijën e tyre.
"Çdo ditë është më keq se një ditë më parë. Ne shpëtuam veten, por nuk mund t'i shpëtonim familjet tona", shtoi ai.
Një vajzë e re, që mbërriti me prindërit e saj, tha se ata kishin qenë dëshmitarë të të shtënave në udhëtimin e tyre për të dalë jashtë.
"Kur ushtarët hapën zjarr, nuk ishte mirë sepse të gjithë u frikësuan dhe filluan të bërtasin", tha ajo./BS/
