Presidenti i SHBA-së Joe Biden fajësoi sot Rusinë dhe Kinën për mospjesëmarrjen e tyre në samitin e G20 në Romë, duke thënë se ata ishin përgjegjës për qëllimet jo specifike të përcaktuara në deklaratën përfundimtare të grupit.
Ai fajësoi Kinën dhe Rusinë për pakënaqësinë e shumë aktivistëve të klimës me konkluzionet e samitit të vendeve më të industrializuara në botë (G20).
"Zhgënjimi lidhet me faktin se Rusia dhe Kina nuk janë shfaqur në drejtim të njëfarë angazhimi në luftën kundër ndryshimit të klimës, dhe kjo është arsyeja pse njerëzit janë të pakënaqur me të. Dhe unë e shoh këtë zhgënjyese," tha Biden në konferencë sonte në Romë.
Udhëheqësit e grupit G20 të ekonomive më të mëdha në botë ranë dakord të dielën për një deklaratë përfundimtare që bën thirrje për veprime "të rëndësishme dhe efektive" për të kufizuar ngrohjen globale, por duke dhënë pak angazhim konkret.
Presidenti i Kinës, Xi Jinping dhe ai i Rusisë, Vladimir Putin, morën pjesë në samit përmes video-konferencës.
"Asgjë nuk mund të zëvendësojë negociatat e drejtpërdrejta për bashkëpunim global," tha Biden.
Megjithatë, ai tha se G20 kishte bërë përparim të rëndësishëm përpara konferencës së klimës në Glasgou. Ai shtoi, megjithatë, se është thelbësore të dihet se çfarë nuk po bën Kina, çfarë nuk po bën Rusia dhe çfarë nuk po bën Arabia Saudite.
Shumë aktivistë të klimës dhe madje edhe zyrtarë politikë kanë vlerësuar se G20 nuk ka shkuar aq larg sa duhet, veçanërisht në luftën kundër ndryshimeve klimatike. Biden tha gjithashtu se samiti i G20 në Romë "tregoi fuqinë e Amerikës kur ajo angazhohet".
"Ajo që ne kemi parë këtu është fuqia e Amerikës kur ajo angazhohet dhe punon me partnerët tanë aleatë për çështje," vuri në dukje ai.
Sipas tij, G20 pati rezultate “të prekshme” kur bëhet fjalë për klimën, ekonominë dhe pandeminë.
“Unë mendoj se kemi bërë përparim të prekshëm, pjesërisht falë vendosmërisë që SHBA ka bërë për tryezën (negociuese),” përfundoi ai.
