Forumi Ekonomik Botëror në Davos është shtyrë për në verën e vitit 2022, thanë organizatorët.
Ngjarja, e cila tërheq politikanë, njerëz të biznesit dhe drejtues dhe akterë të tjerë të mëdhenj globalë, është shtyrë për shkak të shqetësimeve për përhapjen e variantit omicron të koronavirusit, raporton DPA.
"Kushtet aktuale të pandemisë e bëjnë jashtëzakonisht të vështirë mbajtjen e një takimi global ku pjesëmarrësit do të ishin fizikisht të pranishëm," tha Forumi Ekonomik Botëror në një deklaratë.
Gjithashtu, thuhet se pavarësisht protokolleve strikte shëndetësore të takimit, transportueshmëria e omicron dhe ndikimi i tij në udhëtime dhe lëvizshmëri e bëri vonesën të pashmangshme.
Takimi në resorin zviceran Davos ishte paraparë të mbahej nga data 17 deri më 22 janar.
