Një ministër i Madagaskarit ishte një nga dy të mbijetuarit që kishin notuar rreth 12 orë deri në breg pasi helikopteri i tyre u rrëzua në brigjet verilindore të ishullit.
Serge Gelle, sekretari i shtetit për policinë e vendit dhe një oficer policie tjetër arritën në tokë në qytetin bregdetar të Mahambo të martën në mëngjes, pasi u hodhën nga helikopteri.
Në një video të shpërndarë në rrjetet sociale, 57-vjeçari Gelle shfaqet i shtrirë dhe i rraskapitur në një shezlong, ende me uniformën e tij të kamuflazhit.
“Koha ime për të vdekur nuk ka ardhur ende”, thotë gjenerali, duke shtuar se është i ftohtë, por jo i plagosur.
Helikopteri ku ata po qëndronin po fluturonte për të inspektuar vendin e një anijeje të mbytur në brigjet verilindore të hënën në mëngjes.
Të paktën 39 njerëz vdiqën në atë fatkeqësi, një rritje nga numri i mëparshëm pasi punonjësit e shpëtimit morën 18 trupa të tjerë.
Gelle kishte përdorur një nga sediljet e helikopterit si një pajisje lundrimi, raporton Guardian.
Kërkimet për dy pasagjerë të tjerë po vazhdonin pas aksidentit të së hënës, shkaku i të cilit nuk u qartësua menjëherë.
