Një grua, pronare e një qeni, ka kafshuar një grua tjetër në shtetin lindor gjerman të Turingisë, në një përleshje për mënyrën e duhur për të disiplinuar qentë.
Sherri ka ndodhur pasi një 27-vjeçare ka parë një 51-vjeçare duke goditur qenin e saj, sipas policisë.
Gruaja më e re dyshohet se filloi ta këshillojë gruan e vjetër për mënyrën e trajtimit të qenit. Më pas një sherr pasoi ku dy pronaret e qenve përfunduan duke goditur njëra-tjetrën.
Gjatë përleshjes, mësohet se e moshuara është rrëzuar dhe ka vënë dhëmbët në njërin gju të 27-vjeçares, duke shkaktuar një plagosje.
“Qentë vetëm shikonin gjatë përleshjes mes dy grave”, tha policia gjermane, raporton DW
Gruaja do të paraqitet në gjykatë me akuzën e shkaktimit të lëndimit fizik.
