Edhe pse bisedimet në mes Uashingtonit dhe Moskës u vendosën të mbahen më 10 janar, tensionet ende nuk kanë kaluar dhe trupat ruse vazhdojnë të qëndrojnë kërcënuese në kufirin me Ukrainën.
Shtetet e Bashkuara kanë vendosur të financojnë projekte ku përfshihet vendosja e pajisjeve të vëzhgimit dhe monitorimit, me qëllimin të forcohen kufijtë që Ukraina ndan me Rusinë dhe Bjellorusinë.
Në akuzë e njejtë vazhdimisht vjen nga Kievi në drejtim të Moskës, se grumbullimi i trupave të saj ka vetëm një synim, e ai është të përgatiten për një ofensivë ndaj Ukrainës.
Rusia zyrtare ka mohuar të ketë planifikuar ndonjë sulm dhe akuzon Kievin e Washingtonin për sjellje destabilizuese.
Ajo këmbëngul nga ana tjetër që të marrë nga perëndimi garanci se NATO-ja nuk do të zgjerohet në lindje. Sipas Shërbimit Kufitar ukrainas, projektet e financuara nga SHBA janë në vlerë prej 20 milionë dollarësh.
Ato parashikojnë blerjen e sistemeve të regjistrimit dhe dronë, por edhe pajisje të tjera mbrojtëse për rojet kufitare.
Ukraina, që aspiron që një ditë t’i bashkohet Aleancës Veri-Atlantike, ka përfituar një sërë donacionesh nga SHBA-ja që prej vitit 2018, përfshirë municion dhe raketa të tipit Javelin, lëvizje këto që kanë acaruar Moskën.
