Evropa po vuan nga rritja e çmimit të gazit. Presidenti Putin ka njoftuar tani se Rusia mund të sigurojë lehtësim për konsumatorët. Tubacioni i diskutueshëm i Detit Baltik Nord Stream 2 është "gati për të nisur nga puna".
Sasia e gazit po zvoglohet në Evropë. Presidenti rus Vladimir Putin tani ka premtuar dërgesa të shpejta. "Kjo linjë e re me siguri do të ndihmojë në stabilizimin e çmimeve në tregun evropian," tha Putin, duke iu referuar gazsjellësit të ri Nord Stream 2. Sapo Gjermania të hapë dyert e saj, më shumë gaz do të rrjedhë në drejtim të Evropës - dhe kjo do të ulë çmimet në tregun evropian. Përdorimi i gazit për tregun rus do të kishte përparësi, tha Putin. "Por Rusia ka mundësinë të rrisë eksportet e saj të gazit."
Pak më parë, kompania energjetike Gazprom kishte njoftuar se gazsjellësi i pacertifikuar deri më tani, ishte gati për të nisur nga puna. Linja e dytë është plotësisht e mbushur me gaz teknik, tha CEO Alexej Miller i agjencisë Interfax. Procedura ka përfunduar në mesditë.
Nord Stream 2 supozohet të sjellë gaz nga Rusia në Gjermani duke anashkaluar Ukrainën. Tubacioni i Detit Baltik përfundoi javë më parë, por nuk është ende funksional. Mungon ende licenca e funksionimit nga Agjencia Federale e Rrjetit. Presidenti i saj Jochen Homann tha së fundmi se nuk do të ketë vendime për këtë deri në gjysmën e parë të vitit 2022 .
Scholz: Tubacioni i Detit Baltik është një "projekt i sektorit privat"
Projekti që nga fillimi ishte i diskutueshëm. Qeveria amerikane kritikon se Evropa po e bën veten shumë të varur nga Rusia, për furnizimin e saj me energji. Ukraina e dobët financiarisht është urgjentisht e varur, nga miliarda të ardhura nga tarifat e tranzitit të gazit dhe tani ka frikë nga humbje të mëdha.
Ministrja e Jashtme Annalena Baerbock konfirmoi se Nord Stream 2 është më shumë se një projekt thjesht i sektorit privat për të. "Vitet e fundit e kanë bërë të qartë, me këndvështrimin e perceptimeve të ndryshme në Evropë , se cilin rol gjeostrategjik luan Nord Stream 2," tha politikanja e Gjelbër. Prandaj, qeveria e vjetër federale e Unionit dhe SPD e kanë pranuar tashmë, se ky tubacion ngre gjithashtu çështje sigurie.
Kancelari Olaf Scholz (SPD) e përshkroi procedurën si "plotësisht apolitike" dhe tubacionin si "projekt të sektorit privat". Për sa i përket procesit të miratimit, Baerbock nuk sheh asnjë ndryshim me Scholz: “Shqyrtimi ligjor aktualisht është pranë Agjencisë Federale të Rrjetit. Olaf Scholz dhe unë përdorëm fjalë të ndryshme, për të përshkruar këtë gjendje”.
