Gjithsej 125 pasagjerë që mbërritën në qytetin verior të Indisë, Amritsar, me një fluturim nga Italia, kanë rezultuar pozitivë me Covid-19.
Si pasojë, ata do të vendosen në izolim, thanë zyrtarët shëndetësorë.
Siç shkruajnë mediat e huaja, ata ishin në mesin e 179 pasagjerëve në fluturimin nga Milano që u ul në Amritsar të mërkurën pasdite.
India raportoi më shumë se 90,000 raste të enjten – një rritje gati gjashtëfish gjatë javës së kaluar që ekspertët thonë se është nxitur nga varianti Omicron.
Vendi regjistroi 325 vdekje në 24 orët, por vetëm një ka qenë e lidhur me Omicron, thanë zyrtarët.
Raportet thanë se fëmijët dhe foshnjat që udhëtonin në aeroplan ishin të përjashtuar nga testimi për Covid-19.
Ndërkohë që nga 160 pasagjerët e testuar, 125 rezultuan pozitivë për virusin.
Zyrtarët thonë se varianti Omicron është lloji mbizotërues në qytetet indiane dhe si pasojë, duhet të shmangen grumbullimet masive.
