Sekretari amerikan i Shtetit, Antony Blinken, ka thënë se kërcënimi "i menjëhershëm" i veprimit ushtarak rus në Ukrainë justifikon evakuimin e ambasadës amerikane në Kiev.
Fjalët e tij erdhën pasi presidenti i Ukrainës kërkoi qetësi, duke thënë se armiku më i madh ishte paniku, raporton BBC, përcjell Bota sot.
Shumë vende u kanë kërkuar qytetarëve të tyre të largohen nga Ukraina.
Moska, me më shumë se 100,000 trupa pranë kufirit, ka mohuar planet e saj për të pushtuar.
Këshilltari i lartë i Kremlinit për politikën e jashtme, Yuri Ushakov, ka hedhur poshtë paralajmërimet e SHBA-së për një sulm, duke thënë se "histeria ka arritur kulmin".
Kriza vjen tetë vjet pasi Rusia aneksoi gadishullin jugor të Krimesë të Ukrainës. Që atëherë, ushtria e Ukrainës është përfshirë në një luftë me rebelët e mbështetur nga Rusia në zonat lindore pranë kufijve të Rusisë./Botasot
