Qeveria amerikane e quajti të rremë njoftimin e Rusisë se kishte tërhequr pjesërisht trupat e saj për të reduktuar përshkallëzimin e krizës në Ukrainë.
“Ditët e fundit, Rusia ka rritur praninë e saj përgjatë kufirit ukrainas me rreth 7 mijë ushtarë, ku disa kanë arritur sot”, theksoi një zyrtar i lartë i Shtëpisë së Bardhë, raporton atsh.
“ShBA tani e dinë se njoftimi i Rusisë për një tërheqje të pjesshme ishte i rremë”, tha zyrtari në një konferencë për gazetarët në Uashington.
Moska ka thënë se është e hapur për një zgjidhje diplomatike.
“Por, çdo tregues që kemi tani është se, ndërsa rusët flasin publikisht për uljen e përshkallëzimit, nga ana tjetër mobilizohen për luftën”, tha zyrtari.
“Mund të ketë gjithashtu më shumë pretendime të rreme ruse, përfshirë pretendimet e pabaza se ShBA dhe Ukraina po zhvillojnë armë biologjike ose kimike”, theksoi zyrtari.
