Ambasadorja e Ukrainës në SHBA, Oksana Markarova, ka mbajtur konferenca të përditshme për shtyp në Uashington dhe ka folur për mediat amerikane.
"Ne po përgatitemi për këtë natë, por si dy netë, tre netë më parë, ne jemi shumë të vendosur për të mbrojtur vendin tonë," tha ajo për CNN, përcjell “Bota sot”.
Ambasadorja tha se ka raporte për sulme të rënda në Kievin perëndimor, duke akuzuar rusët për sulmimin e objektivave civile
"Është e tmerrshme," tha ajo, por shtoi se "shpirti në Ukrainë është shumë i fortë" dhe se ukrainasit e zakonshëm "po mbrojnë të gjithë shtëpinë tonë".
