Kombet e Bashkuara janë të përkushtuara të përshkallëzojnë operacionet e saj humanitare për të ndihmuar si ukrainasit që kanë qëndruar në vend ashtu edhe miliona që kanë ikur, deklaroi sekretari i përgjithshëm Antonio Guterres.
Ai ia përcolli premtimin ministrit të Jashtëm ukrainas Dmytro Kuleba në një telefonatë sot, me zëdhënësin e OKB-së, Stephane Dujarric, duke thënë se të dy diskutuan gjithashtu kushtet për evakuimin e sigurt të civilëve nga zonat e luftimit.
OKB vlerëson se 12 milionë njerëz që kanë qëndruar në Ukrainë dhe 4 milionë që kanë ikur në vendet fqinje, do të kenë nevojë për ndihmë humanitare në muajt e ardhshëm, transmeton Sky News.
Lufta në Ukrainë ka hyrë në javën e dytë.
