Presidenti i SHBA-së, Joe Biden, gjatë një konference shtypi ka njoftuar “veprime për të vazhduar ta mbajnë Rusinë përgjegjëse” për agresionin e saj në Ukrainë.
Sipas Sky News, përcjell Telegrafi, ai tha se SHBA do të revokojë statusin e “marrëdhënieve normale të përhershme tregtare” të Rusisë për të ndëshkuar Moskën.
Biden ka bërë të ditur se më vonë sot, së bashku me aleatët e tjerë të NATO-s, G7, Kanada, Francë, Gjermani, Itali, Japoni, Mbretërinë e Bashkuar, si dhe Bashkimin Evropian, “do të shpallin së bashku disa hapa të rinj për të shtrënguar masat ndaj Putinit dhe për të mbajtur edhe më të përgjegjshëm për agresionin e tij kundër Ukrainës”.
Biden shtoi se para së gjithash, çdo komb do të ndërmarrë hapa për t’i mohuar Rusisë statusin e kombit më të favorizuar.
Më pas, udhëheqësi amerikan tha se G7 do të rrisë presionin dhe do të zbatojë sanksione ndaj më shumë oligarkëve rusë.
