Shtetet e Bashkuara vlerësojnë se forcat ruse janë tërhequr plotësisht nga zonat pranë Kievit dhe Chernihiv për t'u "rikonsoliduar dhe riparuar në Bjellorusi dhe në Rusi", sipas një zyrtari të lartë të mbrojtjes amerikane.
Zyrtari tha gjithashtu se Rusia ende nuk e ka “siguruar” Mariupolin, pavarësisht se e ka izoluar qytetin.
Rusia ka lansuar më shumë se 1.450 raketa kundër Ukrainës që nga pushtimi, tha zyrtari, transmeton CNN.
Mizoritë e supozuara në Bucha duket se janë "të paramenduara", "të planifikuara" dhe "shumë-shumë të qëllimshme", shtoi zyrtari, duke shtuar se është "e vështirë të dihet" se çfarë i motivoi forcat ruse për të kryer akte të tilla, por se ato i dërguan një mesazh botës mbi brutalitetin e Rusisë.
