Ukraina ka bërë thirrje për më shumë armë të rënda, ndërsa ofensiva e rinovuar e Rusisë në lindje po fillon. Ushtruesja e detyrës së ambasadores së SHBA-së në Ukrainë, Kristina Kvien, e cila është në Poloni, i tha BBC-së "ne gjithmonë po përpiqemi të bëjmë më të mirën për të përmbushur atë që kërkojnë ukrainasit".
Ajo thotë se "dhjetëra avionë" po mbërrijnë çdo javë nga SHBA dhe aleatët e tjerë.
“Kemi pasur 10 ardhje brenda 48 orëve të fundit për të marrë armët sa më shpejt që të jetë e mundur, por ajo thotë se po vjen shumë, janë gjëra të rënda dhe kërkon pak kohë”.
Ajo thotë se SHBA ka dërguar kohët e fundit armë të tipit kundër avionëve dhe do të dërgojë obusi (një top me tyta të shkurtra, predha zjarri).
Kvien shton se SHBA po dërgon më shumë municione dhe pjesë aeroplanësh "që do të thotë se më shumë nga avionët që kanë ukrainasit do të jenë në gjendje të fluturojnë", si dhe armë antitank.
Ajo thotë se e kupton zhgënjimin e presidentit ukrainas Zelensky, por thotë se "ne po bëjmë çmos për të përmbushur kërkesat që bëjnë ukrainasit".
