Guvernatori i rajonit lindor të Ukrainës Luhansk thotë se qytetet atje janë nën bombardime të vazhdueshme, raporton BBC, transmeton Bota sot.
Serhiy Haidai tha se dy persona ishin vrarë në Popasna - një qytet me rreth 20,000 banorë - ku ndërtesat e banimit janë sulmuar dhe kanë pasur luftime në rrugë.
Ai shkroi në Telegram se rusët po goditnin linjat e energjisë elektrike dhe nënstacionet. Disa qytete ishin pa ujë pasi një predhë ruse goditi termocentralin për një stacion pompimi.
Pavarësisht thirrjeve për ndalimin e luftës, Rusia vetëm sa e ka shtuar agresionin në pjesën lindore të Ukrainës.
