Republikanja Victoria Spartz nga Illinois, e cila është anëtarja e parë e Kongresit me origjinë ukrainase, i kërkoi të dielën SHBA-së të rifillojë punën diplomatike në Ukrainë, duke thënë se masa do të dërgonte "një mesazh të fortë për popullin ukrainas", shkruan CNN, transmeton Bota sot.
“Shumë vende në fakt po e kthejnë (punën diplomatike) në Kiev. Më e pakta që mund të bëjmë - ta sjellim atë ndoshta në Lviv" i tha Spartz Dana Bash të CNN në "State of the Union". “Në çdo punë – qoftë ajo punë politike apo diplomatike – ju merrni disa rreziqe. Duhet të jesh i zgjuar. Por gjithashtu, kjo është një pjesë e punës tuaj, të bëni shërbimin tuaj. Dhe nëse nuk je në tokë, është shumë e vështirë të bësh punën tënde".
“Është e rëndësishme, por gjithashtu dërgon një mesazh të fortë për popullin ukrainas,” shtoi ajo. “Është e rëndësishme që ata ta shohin atë mbështetje dhe kjo i bën ata më të fortë dhe ata do të fitojnë (luftën)".
SHBA dhe vende të tjera tërhoqën diplomatët e tyre dhe evakuuan ambasadat dhe konsullatat nga Kievi në ditët para pushtimit rus të Ukrainës, duke i zhvendosur ata në qytetin perëndimor të Lviv. Ata zyrtarë u zhvendosën shpejt në Poloni, duke udhëtuar në Lviv dhe Departamenti i Shtetit pezulloi të gjitha shërbimet diplomatike në Lviv pak para fillimit të pushtimit rus.
Spartz gjithashtu i bëri thirrje Presidentit Joe Biden të vizitojë Ukrainën, duke thënë: "Unë mendoj se ne mund ta bëjmë atë. Ne jemi njerëz të fortë, ne jemi një vend i fortë. Ne patjetër mund të organizojmë që njerëzit tanë të vijnë këtu dhe të vizitojnë Ukrainën".
