Nuk i mjafton vetëm Ukraina, Rusia sulmon edhe një shtet tjetër – dyshohet për shpërthime të mëdha

Në fjalimin e tij të natës me video drejtuar kombit, presidenti ukrainas Volodymyr Zelensky thotë se fitorja e Ukrainës është e pashmangshme, por është e pamundur të parashikohet se kur do të përfundojë lufta, raporton BBC, përcjell "Bota sot".

"Shumë qytete dhe komunitete janë ende nën kontrollin e përkohshëm të ushtrisë ruse," thotë ai në fjalimin e tij.

“Por nuk kam asnjë dyshim se është vetëm çështje kohe para se të çlirojmë tokën tonë”.

Më herët në fjalën e tij ai vuri në dukje faktin se pushtimi i nisur më 24 shkurt sapo ka kaluar kufirin e tre muajve.

Zelensky vazhdon duke thënë se nuk ka "asnjë përgjigje" në pyetjen se kur Ukraina do t'i mund rusët, duke shtuar se fitorja - dhe paqja - do të vijnë më shpejt nëse çdo ukrainas lufton.

“Kur të fitojmë një fitore, të gjithë do ta ndjejnë atë, kur të vijë paqja, të gjithë do ta shohin".

"Por që kjo të ndodhë - dhe të ndodhë më shpejt - nuk duhet të mendojmë se kur dhe çfarë do të jetë. Ne duhet të mendojmë çdo ditë se si ta bëjmë edhe më të padurueshëm qëndrimin e pushtuesve në tokën tonë."

“Që Rusia të kërkojë paqen, çdo ukrainas duhet ende të luftojë”, vazhdon ai.

"Ata duhet të mbrojnë lirinë. Sepse çdo ditë lufte tani shton vite të jetës paqësore pas kësaj lufte. Pas fitores sonë."

Britania e Madhe do t'i sigurojë Ukrainës ambulanca të reja, motorë zjarri, pajisje mjekësore dhe financime për ekspertët e shëndetësisë në një përpjekje për të ndihmuar ekipet e urgjencës në vend të merren me pasojat e sulmeve ruse.

22 ambulanca të reja do të nisen për në Ukrainë në ditët në vijim për t'iu bashkuar më shumë se 40 makinave zjarrfikëse të cilat tashmë janë dërguar atje, raporton Sky news, përcjell "Bota sot".

Qeveria do të japë gjithashtu 300,000 £ për ndihmën mjekësore, UK-Med, për ta ndihmuar atë të trajnojë mjekë dhe infermierë ukrainas.

“Të gjithë jemi të tmerruar nga imazhet e neveritshme të spitaleve të shënjestruara qëllimisht nga Rusia që nga fillimi i pushtimit mbi dy muaj më parë”, tha kryeministri Boris Johnson.

"Ambulancat e reja, motorët e zjarrit dhe fondet për ekspertët shëndetësorë të shpallur sot do të pajisin më mirë popullin ukrainas për të ofruar kujdes jetik shëndetësor dhe për të shpëtuar jetë."

Ministri i Jashtëm rus, Sergei Lavrov, ka thënë se bisedimet e paqes me Ukrainën do të vazhdojnë, ndërsa paralajmëroi se ekziston një rrezik “real” i një Lufte të Tretë Botërore.

Duke folur për agjencitë ruse të lajmeve, ai kritikoi qasjen e Kievit ndaj bisedimeve, shkruan Al Jazeera.

“Vullneti i mirë ka kufijtë e tij.

Por nëse nuk është reciproke, kjo nuk e ndihmon procesin e negociatave”, ka thënë ai.

Qyteti i madh ukrainas, Kherson, është pushtuar nga forcat ruse.

Kryetari i qytetit, Ihor Kolykhayev, ka raportuar në Facebook se njerëz të armatosur rusë morën kontrollin e ndërtesës së këshillit të qytetit të hënën, raportob BBC, përcjell Bota sot.

Edhe pse Kherson ka qenë nën pushtimin rus që nga fillimi i marsit, këshilli i qytetit kishte funksionuar ende nën kontrollin ukrainas.

Kolykhayev tha se ushtria ruse mori çelësat e ndërtesës dhe shkëmbyen rojet e sigurisë me rojet e tyre.

Ai tha se u largua nga ndërtesa në orën 19:45 me orën lokale.

Pravda, një media ukrainase e lajmeve, raportoi se nga 26 prilli, këshilli i qytetit Kherson nuk do të funksiononte.

Ai shtoi se kryetarit të bashkisë dhe punonjësve të këshillit të qytetit iu dha shansi të shkonin në shtëpi./A.SH

Disa shpërthime kanë goditur ministrinë e sigurisë së shtetit në rajonin separatist moldav të Transnistria, tha ministria e Brendshme në kanalin e saj Telegram.

Ministria tha se ndërtesa dukej se ishte goditur me granata me raketa, por tha se askush nuk u lëndua.

Kjo vjen disa ditë pasi një gjeneral rus sugjeroi se Moska dëshiron të marrë kontrollin e plotë të Ukrainës jugore, duke i dhënë Rusisë qasje në rajonin separatist të Moldavisë, të cilin ajo e mbështet.

Ai tha se kishte "shtypje të popullsisë rusisht-folëse" në Transnistria, një pretendim i cili ishte bërë gjithashtu - pa prova - për të justifikuar pushtimin e Ukrainës.

Ministria e Mbrojtjes e Ukrainës tha se incidenti ishte një "provokim i planifikuar" nga vetë Rusia për të futur "panik dhe ndjenja antiukrainase".

Një rajon i vogël separatist rusisht-folës, Transnistria kufizohet me Ukrainën nga perëndimi. Ajo pretendoi pavarësinë pas rënies së Bashkimit Sovjetik në një konflikt të përgjakshëm, por nuk njihet ndërkombëtarisht dhe zyrtarisht mbetet pjesë e Moldavisë, transmeton BBC.

Polonia ka dërguar tanke në Ukrainë në mes të luftës së saj me Rusinë, konfirmoi sot kryeministri i vendit.

I pyetur nëse Polonia kishte apo do të dërgonte tanke në Ukrainë, Mateusz Morawiecki tha: "Po".

Megjithatë, ai nuk pranoi të zbulonte ndonjë detaj të mëtejshëm duke përfshirë numrin e tankeve të dërguara.

Morawiecki vazhdoi duke thënë se nuk kishte pasur "kërkesa të tilla" dhe "asnjë kërkesa të tilla" kur u pyet nëse Polonia do të dërgonte gjithashtu avionë në Ukrainë.

Në muajin mars, Polonia tha se ishte gati t'i dorëzonte të gjithë avionët e saj luftarakë MIG-29 në një bazë ajrore amerikane në Gjermani "menjëherë dhe pa pagesë" si pjesë e një plani për t'i ofruar avionë ukrainasve. Por Pentagoni tha se oferta nuk ishte "e qëndrueshme".

Duke folur në atë kohë, zëdhënësi John Kirby tha se propozimi për dërgimin e avionëve në bazën ajrore amerikane Ramstein "ngriti shqetësime serioze për aleancën e NATO-s".

"Thjesht nuk është e qartë për ne se ka një arsye thelbësore për këtë," tha ai, transmeton Sky News.

Një diplomat i lartë rus ka thënë se një armëpushim nuk është një opsion i mirë për momentin, sepse do t’u japë forcave ukrainase mundësinë të rigrupohen dhe të bëjnë më shumë provokime.

Rusia më herët njoftoi se do të mbante një armëpushim rreth fabrikës së çelikut në qytetin e rrethuar të Mariupolit nga ora 14me orën lokale, për të lejuar largimin e civilëve.

Por zëvendëskryeministrja ukrainase Iryna Vereshchuk, tha se nuk ishte arritur asnjë marrëveshje dhe bëri thirrje për garanci sigurieme shkrim.

Zëvendëspërfaqësuesi i parë i përhershëm i Rusisë në OKB, Dmitry Polyanskiy, tha se Ukraina kishte pretenduar se kishte disa civilë në fabrikën e çelikut Azovstal, ku janë strehuar luftëtarët e fundit ukrainas në qytet, por forcat ukrainase “nuk i lanë të shkojnë”.

Bashkimi Evropian ka evakuuar rreth 200 pacientë ukrainas që kërkojnë kujdes urgjent mjekësor nga Ukraina dhe vendet fqinje në spitalet e vendeve të tjera evropiane, tha të hënën zëdhënësi i Komisionit Evropian, Balazs Ujvari.

Duke folur për gazetarët në Bruksel, Ujvari tha: “Ndërsa lufta vazhdon, dhe popullsia e Ukrainës vazhdon të migrojë jashtë vendit, sistemet e kujdesit shëndetësor në vendet fqinje janë nën një presion të madh”, raporton CCN, përcjell Bota sot.

Pas kërkesave nga Polonia, Sllovakia, Moldavia dhe gjithashtu Ukraina, BE-ja ka transferuar pacientë ukrainas që kanë nevojë për ndihmë të specializuar mjekësore në spitale në "11 vende të ndryshme evropiane", shpjegoi Ujvari.

Ndërsa lufta në Ukrainë hyn në ditën e saj të 61-të, po shfaqen imazhe të të afërmve të pikëlluar që marrin pjesë në një funeral në një varr në Irpin.

Illya Shklyaruk, 25 vjeç, ishte përfshirë në evakuimet e fqinjëve të tij nga qyteti kur thuhet se u qëllua nga forcat ruse ndërsa ishte brenda makinës së tij.

Sot, të afërmit e tij e varrosën trupin e tij në një varr masiv në rajon.

Irpin, i cili ndodhet në veriperëndim të kryeqytetit, ishte fokusi i sulmeve intensive pasi forcat ruse pushtuan vendin më 24 shkurt.

Muajin e kaluar, ministri i brendshëm i Irpin, Denys Monastyrsky tha se trupat kishin "çliruar" qytetin periferik pas javësh luftimesh të ashpra./M.L.

Kyiv do të heqë skulpturën e epokës sovjetike që përkujton "miqësinë" midis ukrainasve dhe rusëve, thotë kryebashkiak, shkruan CNN, transmeton Bota sot.

Punëtorët do të çmontojnë një skulpturë të epokës sovjetike në qendër të Kievit që përkujton "miqësinë" midis rusëve dhe ukrainasve, njoftoi të hënën kryebashkiaku i Kievit, Vitali Klitschko.

"Këtë javë ne do të çmontojmë një skulpturë prej bronzi të dy punëtorëve, të ngritur në 1982 për të përkujtuar ribashkimin e Ukrainës me Rusinë", tha Klitschko. 

Një hark titani në formë ylberi shtrihet mbi monumentin, i cili është vendosur në një pamje të përgjithshme piktoreske. Klitschko tha se harku - i quajtur fillimisht Harku i Miqësisë së Popullit - do të mbetet, por se do të riemërohet dhe do të theksohet me ngjyrat e flamurit ukrainas.