NATO-ja është e gatshme të vazhdojë për vite mbështetjen për Ukrainën në luftën kundër Rusisë, duke përfshirë edhe ndihmën ndaj Kievit që të zëvendësojë armët e periudhës sovjetike me sisteme moderne armatimi, ka thënë Sekretari i Përgjithshëm i aleancës, Jens Stoltenberg.
Ai i ka bërë këto deklarata pasi Kremlini ka paralajmëruar se dërgesat e armëve të Perëndimit në Ukrainë, duke përfshirë armë të rënda, përbëjnë kërcënim për sigurinë në kontinentin evropian dhe “krijojnë jostabilitet”.
“Neve na duhet të përgatitemi për periudhë afatgjatë”, ka thënë Stolteneberg më 28 prill para një samiti për të rinjtë në Bruksel.
“Ka mundësi që kjo luftë të vazhdojë për muaj dhe vite”.
Zelensky: Fundi i luftës për të parandaluar një krizë ushqimore
Nga: H.O.
Sekretari i Përgjithshëm i OKB-së Antonio Guterres vizitoi Kievin dhe u takua me Presidentin Volodymyr Zelensky.
Kështu shkruan sot BBC, transmeton Bota sot.
Më vonë në një konferencë për shtyp, Zelensky tha se lufta me Rusinë po e pengon atë të furnizojë botën me ushqim të mjaftueshëm.
Zelensky tha se ata kishin diskutuar për zhbllokimin e porteve të Ukrainës për të lejuar eksportin e ushqimit dhe për të shmangur një krizë globale ushqimore.
Skemat e vizave të Britanisë së Madhe për refugjatët ukrainas 'rrisin rreziqet e trafikimit dhe shfrytëzimit'
Nga: H.O.
Skemat e vizave të Britanisë së Madhe për refugjatët ukrainas "u mungojnë qartësia, burimet dhe përgjegjësia" dhe po rrisin rrezikun e trafikimit dhe shfrytëzimit, sipas një raporti.
Më shumë se 100 ekspertë kanë nxjerrë në pah "inmplikimet shqetësuese" të përgjigjes së bazuar në viza të MB-së, duke thënë se ata po përpiqen të kuptojnë sistemin "kaotik, të fragmentuar dhe konfuz".
Në një raport të prodhuar nga ekspertët në UCL për Komisioneren e Pavarur kundër Skllavërisë, Dame Sara Thornton, kërkesa për vizë konsiderohet gjerësisht si krijimi dhe rritja e rreziqeve të trafikimit dhe shfrytëzimit të qenieve njerëzore.
Një zëdhënës i qeverisë tha: "Si përgjigje ndaj pushtimit barbar të Putinit, ne filluam një nga skemat më të shpejta dhe më të mëdha të vizave në historinë e MB. Janë dhënë 86,000 viza me mbi 27,000 ukrainas që kanë mbërritur të sigurtë në MB.
"Falë ndryshimeve që bëmë për të përmirësuar sistemin, mijëra viza jepen çdo ditë, por është e drejtë që të kryhen kontrolle sigurie si për aplikantët ashtu edhe për sponsorët për t'u siguruar që ukrainasit që ikin nga lufta dhe sponsorët janë të mbrojtur."
Sipas skemës, këshillat duhet të bëjnë të paktën një vizitë personalisht në shtëpinë e një sponsori.
