Bisedimet mes Finlandës dhe Suedisë për një aplikim të mundshëm të përbashkët të NATO-s janë intensifikuar ditët e fundit, pas pushtimit rus të Ukrainës.
Gazeta finlandeze Iltalehti raporton se Finlanda do të aplikojë për anëtarësim në aleancën ushtarake perëndimore më 12 maj.
Ajo shkruan se presidenti Sauli Niinisto do të shpallë miratimin e tij i pari, i ndjekur nga grupet parlamentare.
Ky raport nuk mund të verifikohet në mënyrë të pavarur, transmeton SKy News.
Finlanda dhe Suedia kanë mbajtur prej kohësh besimin se paqja ruhet më së miri duke mos zgjedhur palët, por pushtimi rus i ka shtyrë ata drejt anëtarësimit në NATO.
NATO është një aleancë sigurie e udhëhequr nga SHBA me 30 vende nga Amerika e Veriut dhe Evropa dhe thotë se synon të ruajë lirinë e aleatëve të saj "me mjete politike dhe ushtarake".
Rusia ndan një kufi prej 810 miljesh me Finlandën dhe ka kërcënuar se do të vendosë armë bërthamore dhe raketa hipersonike në enklavën e saj në bregdetin Baltik të Kaliningradit, nëse Finlanda dhe Suedia i bashkohen NATO-s.
