Spitalet janë pajisur dhe mbështetur nga vullnetarë në përgatitje për ardhjen e të evakuuarve nga fabrika e çelikut Azovstal, thotë Dr Dorit Nizan, menaxher i incidenteve të Organizatës Botërore të Shëndetësisë për Ukrainën, shkruan BBC, transmeton Bota sot.
"Ne jemi gati për djegie, fraktura dhe plagë, si dhe diarre, infeksione të frymëmarrjes," tha Nizan.
"Ne jemi gjithashtu të gatshëm të shohim nëse ka gra shtatzëna, fëmijë me kequshqyerje - të gjithë jemi këtu dhe sistemi shëndetësor është i përgatitur mirë," thotë ajo.
Disa njerëz kishin mbërritur tashmë në Zaporizhzhia pasi kishin marrë rrugën e tyre nga fshatrat afër Mariupolit dhe kishin lëndime të lehta. Ajo thotë se shëndeti mendor është "çështja e madhe".
"Shumë qanë kur arritën kur u takuan nga anëtarët e familjes. Ishte shumë prekëse," thotë ajo.
