Valentyn Reznichenko, kreu i Administratës Ushtarake Rajonale të Dnipropetrovsk, tha se kishte pasur dy sulme me raketa në rrethin e Kamianske në lumin Dnieper.
"Kemi dy goditje në rrethin Kamianske. Raketat dëmtuan rëndë infrastrukturën hekurudhore”, shkruan CNN, përcjell “Bota sot”.
Një person u plagos, tha Reznichenko dhe lëvizja e trenave u ndalua.
Kryetari i bashkisë së Lviv në perëndim tha se dy persona ishin plagosur në sulmet me raketa atje, të cilat kishin prekur gjithashtu furnizimin me ujë.
Ushtria ukrainase në jug konfirmoi se infrastruktura hekurudhore në rajonin e Kirovohrad ishte goditur dhe tha se "për fat të keq ka të vdekur dhe të plagosur".
Tre raketa të tjera të drejtuara në rajonin e Odesës u rrëzuan nga forcat e mbrojtjes ajrore, tha ai.
