Kryeministri japonez Fumio Kishida e ka dënuar ndalimin e hyrjes së Rusisë ndaj zyrtarëve japonezë, duke përfshirë edhe atë, si "plotësisht të papranueshme".
Kryeministri e bëri këtë koment gjatë një vizite shtetërore në Romë të mërkurën.
“Pushtimi rus i Ukrainës është një shkelje e qartë e ligjit ndërkombëtar dhe vrasja e një numri të madh civilësh të pafajshëm është një shkelje serioze e ligjit ndërkombëtar humanitar dhe një krim lufte”, u tha Kishida gazetarëve, përcjell "Bota sot".
“Është pala ruse ajo që ka përdorur mjete ushtarake dhe ka shkaktuar këtë situatë. Pala ruse është tërësisht përgjegjëse për prishjen e marrëdhënieve Japoni-Rusi”.
Rusia kishte ndaluar "për një kohë të pacaktuar" 63 shtetas japonezë, përfshirë Kishida, të hynin në vend, njoftoi të mërkurën agjencia shtetërore ruse e lajmeve RIA Novosti.
Anëtarë të kabinetit të Kishida, përfshirë ministrin e Jashtëm Yoshimasa Hayashi, Ministrin e Mbrojtjes Nobuo Kishi dhe Ministrin e Financave Shunichi Suzuki janë ndaluar gjithashtu të hyjnë, si dhe anëtarët e parlamentit dhe ushtrisë, raportoi RIA.
Një kontekst: Që nga marsi, Japonia ka vendosur një sërë sanksionesh kundër Rusisë, duke përfshirë ngrirjen e aseteve të Presidentit Vladimir Putin dhe anëtarëve të familjes së tij në përgjigje të pushtimit.
