Rusia ka pretenduar se ka shkatërruar "pajisje ushtarake të SHBA -ve dhe vendeve evropiane" pranë një stacioni hekurudhor në rajonin e Kharkiv.
Ministria ruse e Mbrojtjes tha se pajisjet u goditën "afër stacionit hekurudhor Bogodukhov", i cili është në veri-perëndim të qytetit të Kharkiv, përcjell "Bota sot"
CNN nuk mund të verifikojë në mënyrë të pavarur pretendimin. Pala ukrainase nuk e ka raportuar sulmin. Bogodukhov është granatuar vazhdimisht nga rusët.
Rusët gjithashtu pretenduan se një depo municioni u godit në Bakhmut, një bazë e pasme për operacionet ushtarake ukrainase në lindje.
Ukraina tha se kishte pasur një sulm ajror në Bakhmut në rajonin e Donetskut herët në mëngjes të së shtunës, duke dëmtuar një fabrikë dhe duke vrarë dy persona.
Ministria ruse e Mbrojtjes tha gjithashtu se mbrojtja e saj ajrore kishte rrëzuar 13 dronë ukrainas dhe tre raketa balistike ukrainase Tochka-U ishin kapur në zonën e Izium, ku luftimet kanë vazhduar për më shumë se një muaj.
