Presidenti finlandez Sauli Niinisto u pyet nëse anëtarësimi i vendit të tij në NATO do të provokonte Rusinë.
Ai kujtoi në konferencën për shtyp se kjo “nuk është hera e parë që po diskutojmë për NATO-n”.
"Në fund të vitit të kaluar ata [Rusia] deklaruan se Finlanda dhe Suedia nuk mund të bashkohen me NATO-n - ata kërkuan që NATO të mos marrë anëtarë të rinj," thotë ai.
Presidenti finlandez tha se kjo ndryshoi pasi Rusia po deklaronte se Finlanda dhe Suedia nuk kishin "vullnetin e tyre" dhe pushtimi rus më 24 shkurt gjithashtu e ndryshoi gjendjen.
“Ata janë të gatshëm të sulmojnë vendin e tyre fqinj, kështu që përgjigja ime do të ishte që ‘ti e shkaktove këtë – shiko pasqyrën’”, thotë ai.
