Misioni i evakuimit në fabrikën e çelikut Azovstol në Mariupol vazhdon, tha presidenti ukrainas Volodymyr Zelensky në fjalimin e tij të natës të martën.
“Procesi i negociatave me Rusinë vazhdon për evakuimin e heronjve tanë nga Azovstal. Misioni i evakuimit vazhdon. Ai mbikëqyret nga oficerët tanë ushtarakë dhe të inteligjencës. Ndërmjetësuesit më të fuqishëm ndërkombëtarë janë të përfshirë”, tha Zelensky.
Ushtria e Ukrainës tha të hënën vonë se forcat e saj kishin përfunduar "misionin e tyre luftarak" në fabrikën e madhe të çelikut, e cila ishte për javë të tëra streha e fundit e madhe në një qytet të pushtuar ndryshe nga trupat ruse, shkruan CNN, përcjell “Bota sot”.
Udhëheqësit evropianë: Presidenti ukrainas tha gjithashtu se foli me kancelarin gjerman Olaf Scholz dhe presidentin francez Emmanuel Macron të martën për "mbështetjen e mbrojtjes së Ukrainës dhe bashkëpunimin tonë në nivel të BE-së".
"E informova për situatën aktuale në fushën e betejës dhe zhvillimin e mundshëm të kësaj situate. Kam pasur një bisedë thelbësore dhe të gjatë me presidentin francez Macron. Diskutuam paketën e gjashtë të sanksioneve që po përgatiten në BE, procesin e negociatave me Rusinë. dhe evakuimin e heronjve tanë nga Azovstal”, tha ai.
