LIVE: Amerika dhe Ukraina ‘bashkojnë’ forcat ndaj Rusisë së Putinit/ Zyrtari amerikan bën deklaratën e papritur: Ndjenjë urgjence!

Më shumë se 4.000 civilë janë vrarë në Ukrainë që nga fillimi i pushtimit rus më 24 shkurt, megjithëse numri i saktë është ndoshta shumë më i lartë, tha Zyra e Organizatës së Kombeve të Bashkuara për të Drejtat e Njeriut (OHCHR).

Gjithsej 4.031 njerëz u vranë, duke përfshirë gati 200 fëmijë, sipas OHCHR, e cila ka dhjetëra vëzhgues në vend. Shumica u vranë gjatë bombardimeve ose sulmeve ajrore.

OHCR nuk ka përmendur se kush ishte përgjegjës për vdekjet e civilëve. Rusia ka mohuar të ketë shënjestruar civilët në konflikt.

Presidenti ukrainas Volodymyr Zelensky, duke folur me aktivistët indonezianë, më 27 maj, tha se rreth 12 milionë njerëz ishin zhvendosur për shkak të luftës në Ukrainë dhe se rreth 5.5 milionë ishin larguar nga vendi.

Rusia nisi pushtimin e Ukrainës fqinje më 24 shkurt./REL

Në fillim të sulmit, zyrtarët rusë thonin se qëllimi i luftës në Ukrainë ishte çmilitarizimi dhe denazifikimi i Ukrainës. Siç njofton korrespondenti i Zërit të Amerikës, Oleksii Kovalenko, strategjia e Rusisë në Ukrainë deri tani ka rezultuar e dështuar. 

Në ditët e para të sulmit të Rusisë në Ukrainë, analistët perëndimorë parashikonin se ushtria ruse do të merrte me shpejtësi kontrollin e Ukrainës dhe të kryeqytetit të saj, Kievit. 

Tre muaj më vonë, është e qartë se ushtria ruse ka shkaktuar dëme të mëdha. 

“Ata kanë kapur territore duke shkaktuar dëme të jashtëzakonshme për ekonominë ukrainase. Ata po bllokojnë edhe eksportin e grurit”, thotë Ben Hodges, gjeneral në pension. 

Megjithatë, ekspertët ushtarakë perëndimorë thonë se fushata ruse ka qenë e dështuar. 

“Ata dështuan në çdo synim. Ministria e Mbrojtjes është ekspozuar si një institucion i korruptuar. Ushtarët e tyre janë vrasës, që përdorin armët pa dallim, edhe ndaj civilëve”, thotë zoti Hodges. 

Ish komandant i ushtrisë amerikane në Evropë thotë se Rusia e kishte nënvlerësuar gatishmërinë e popullit ukrainas për të luftuar.

“Lufta është një test logjistik. Është e qartë se ushtarët dhe populli ukrainas ka moral të lartë, sepse ata po luftojnë për shtëpitë dhe familjet e tyre. Ndërsa Rusia është agresori pushtues. Ushtarët rusë po përdoren sepse udhëheqësit e tyre nuk kujdesen për ta”, thotë ai. 

Rezistenca e ukrainasve detyroi rusët të ndryshojnë strategjinë fillestare të pushtimit të shpejtë, në një operacion më të ngadaltë, më vdekjeprurës dhe që shkakton më shumë dëme.

“Ata po mundohen të grumbullojnë një numër shumë të madh forcash. Ata thjesht po zvarriten në mënyrë të ngadaltë, joefikase dhe shkatërrimtare në territorin ukrainas, duke shkatërruar gjithçka. Kjo është e ngjashme me atë që Rusia ka bërë në Grozny, Siri, Donbas dhe Krime, që duke shkatërruar zonën të shkatërrojë armikun”, thotë Ian Brzezinski nga Këshilli i Atlantikut. 

Ai thotë se strategjia e re e Kremlinit kërkon angazhim afatgjatë të aleatëve perëndimorë për të vazhduar sanksionet kundër Rusisë dhe për të ofruar ndihmë materiale dhe logjistike për Ukrainën. 

“Është një lojë e një lufte të zgjatur në të cilën ruajtja e besimit dhe moralit ukrainas është shumë e rëndësishme. Kjo arrihet përmes ndihmave perëndimore, vazhdimin dhe shtimin e dërgesave ushtarake për Ukrainën”, thotë analisti Brzezinski. 

Gjenerali në pension Hodges parashikon se sulmi do të zgjasë deri në vjeshtë dhe se forcat ukrainase do të rimarrin territoret e pushtuara nga rusët. 

Ministri i Jashtëm i Ukrainës Dmytro Kuleba u bëri thirrje vendeve perëndimore, që të furnizojnë Kievin me armatime të rënda, për të bërë të mundur, siç tha ai, zbrapsjen e forcave ruse. 

Komentet zoti Kuleba i bëri të enjten në mbrëmje nëpërmjet një videoje ku u përgjigjej pyetjeve të ngritura në Twitter. 

Ai tha se pozicioni i vetëm ku Rusia është më e mirë se Ukraina është sasia e armëve të rënda që disponon. Sipas tij, pa artileri dhe pa sisteme të shumëfishta të lëshimit të raketave, Ukraina nuk do të jetë në gjendje t'i zmbrapsë forcat ruse. 

Zoti Kuleba tha gjithashtu se situata në lindje të vendit, atje ku forcat ruse janë në ofensive është edhe më e keqe, sesa e paraqesin banorët e aty. 

Ai tha se nëse Perëndimi kërkon vërtet të kujdeset për Ukrainën duhet ta furnizojë atë me armë sa më parë./VOA

Dorëheqja në fillim të kësaj jave e diplomatit veteran rus Boris Bondarev, lidhur me pushtimin e Ukrainës, e ka vënë Kremlinin në një pozitë të sikletshme. Siç njofton korrespondenti i Zërit të Amerikës, Henry Ridgwell, analistët thonë se frika pengon shumicën e zyrtarëve rusë të shprehin mospajtimin me veprimet e Presidentit Putin.

Dyzet e një vjeçari Boris Bondarev ka një karrierë 20-vjeçare në shërbim të diplomacisë ruse.

Deri këtë javë ai punonte në Kombet e Bashkuara në Gjenevë.

Të hënën, ai bëri të ditur dorëheqjen përmes një postimi në Facebook, duke theksuar se "kurrë nuk kam pasur aq turp për vendin tim sa më 24 shkurt të këtij viti" - data kur Rusia nisi sulmin e saj në Ukrainë.

“Sigurisht, që sulmi në Ukrainë më shqetëson, pasi është një moment kyç. Pas kësaj, ka vetëm një zgjedhje - të largohesh, të japësh dorëheqjen. Nuk e di për momentin se çfarë do të bëj më pas. Jam duke menduar për këtë, por them se nëse më duhet të kthehem në Rusi, perspektivat ndoshta nuk do të jenë shumë të këndshme”, thotë Boris Bondarev, ish diplomati rus në Kombet e Bashkuara.

Lajmin e plotë lexo KËTU.

Siç është dokumentuar, mospajtimi i hapur në Rusi ishte tashmë i rrallë dhe pushtimi i Ukrainës duket se e ka bërë reagimin e autoriteteve ndaj çdo formë proteste edhe në mënyrë më të pamëshirshme, raporton Sky news, përcjell "Bota sot".

Pra, pamjet që dalin sot, nga Asambleja Legjislative e Territorit Primorsky, përfaqësojnë një shembull jashtëzakonisht të izoluar të dënimit publik për regjimin e Vladimir Putinit.

Në video, Leonid Vasyukevich, një anëtar i fraksionit të Partisë Komuniste dhe duke folur në emër të katër kolegëve, i kërkon presidentit t'i japë fund luftës në Ukrainë dhe të tërheqë trupat nga territori i saj.

“Ne e kuptojmë se nëse vendi ynë nuk e ndalon operacionin ushtarak, do të ketë edhe më shumë jetimë në vendin tonë”, tha ai. “Gjatë operacionit ushtarak vdesin dhe bëhen invalidë të rinj që mund të sjellin përfitime të mëdha për vendin tonë".

Guvernatori dhe kryetari i asamblesë i thanë atij të ndalonte fjalimin e tij përpara se të urdhëronte largimin e tij nga dhoma, sipas mediave ruse.

Video of Primorsky Krai Communist Party councillor Leonid Vasyukevich demanding a withdrawal of troops from Ukraine on behalf of himself and four colleagues. The speaker warns him and tells him to stop, another councillor says he has a right to speak. https://t.co/1aBbvqgRtb

— X Soviet 🇺🇦 (@XSovietNews) May 27, 2022

Rusia paralajmëron kundër përdorimit të sistemeve raketore amerikane.

Nëse Ukraina vendos sistemet e raketave me rreze të gjatë të dërguar nga Presidenti Biden, SHBA-ja do të "kapërcejë vijën e kuqe", sipas televizionit shtetëror rus.

Kjo do të ishte "një përpjekje për të provokuar një reagim shumë të ashpër nga Rusia", tha zëdhënësi i transmetuesit zyrtar.

Sipas një raporti të medias, qeveria amerikane po shqyrton dërgimin e sistemeve të avancuara të raketave me rreze të gjatë veprimi në Ukrainë.

Ukraina kërkoi këto lloje armësh, tha ajo.

Ministri i Jashtëm turk Mevlut Cavusoglu ka thënë se Suedia dhe Finlanda duhet të ndërmarrin tani “hapa konkretë” për të zbutur shqetësimet e vendit të tij për sigurinë, në mënyrë që të tejkalojnë kundërshtimet e Ankarasë ndaj kandidimit të tyre për anëtarësim në NATO.

Aspiratat e vendeve për anëtarësim kërkojnë mbështetjen e të gjitha vendeve të NATO-s, por Turqia kundërshton hyrjen e Suedisë dhe Finlandës. Si arsye për këtë, Ankaraja i përmend mbështetjen e pretenduar për militantët kurdë, të cilët Turqia i konsideron terroristë, si dhe kufizimet për shitjen e armëve për Turqinë.

Të dy këto vende nordike hodhën poshtë pretendimet e Turqisë.

Cavusoglu tha se qasja e formës “ne do ta bindim gjithsesi Turqinë me kohë, ne jemi miq dhe aleatë” nuk do të ishte e drejtë.

Ai këmbënguli se “këto vende duhet të ndërmarrin hapa konkretë”.

Ministri i Jashtëm turk shtoi se “ne i kuptojmë shqetësimet e sigurisë të Finlandës dhe Suedisë, por...të gjithë duhet të kuptojnë gjithashtu shqetësimet legjitime të sigurisë së Turqisë”.

Suedia dhe Finlanda aplikuan për anëtarësim në NATO pas pushtimit rus të Ukrainës fqinje./REL

Sipas burimeve ukrainase, "rreth dhjetë persona" u vranë në sulmet ruse në një bazë ushtarake në qytetin ukrainas të Dnipro.

"Një terren stërvitor ushtarak i Gardës Kombëtare u godit nga raketat Iskander këtë mëngjes," tha kreu rajonal i Gardës Kombëtare, Genadi Korban për TV Dnipro të premten.

30 deri në 35 persona të tjerë u plagosën.

Guvernatori i rajonit, Valentin Resnichenko, kishte deklaruar më parë se sulmet kishin shkaktuar "dëme të rënda" dhe punonjësit e shpëtimit po kërkonin viktima nën rrënoja.

Dnipro është një qytet i madh industrial në Ukrainën qendrore.

Deri më tani, ai ishte kursyer nga dëmtimet e mëdha të luftës dhe shërbeu si qendër për personat e zhvendosur brenda vendit nga lindja e vendit. (AFP/bho)

Kremlini ka thënë se fajëson Ukrainën për ngrirjen e bisedimeve të paqes midis dy vendeve, duke thënë se është e paqartë se çfarë dëshironte Kievi.

“Udhëheqja e Ukrainës vazhdimisht bën deklarata kontradiktore. Kjo nuk na e mundëson që të kuptojmë plotësisht se çfarë dëshiron pala ukrainase”, u tha gazetarëve zëdhënësi i Kremlinit, Dmitry Peskov.

Presidenti ukrainas Volodymyr Zelensky tha më herët se ishte përpjekur disa herë të organizonte një takim me presidentin rus Vladimir Putin, për t’i dhënë fund luftës, por se Rusia nuk dukej ende gati për bisedime serioze për paqe.

“Ka gjëra për të cilat duhet diskutuar me liderin rus. Nuk po ju them se qytetarët tanë duan të bisedojnë me të, por ne duhet të përballemi me realitetin e asaj që po jetojmë”, tha Zelensky në një fjalim, duke iu drejtuar aktivistëve në Indonezi.

“Çfarë duam nga ky takim ...Duam të kthehen jetët tona... Ne duam të rikthejmë jetën e vendit sovran në territorin tonë”, theksoi ai, duke shtuar se Rusia ende nuk është e gatshme për bisedime serioze për paqen.

Sipas tij, rreth 12 milionë njerëz janë shpërngulur për shkak të luftës dhe rreth 5.5 milionë janë larguar nga vendi.

Dihet se bisedimet e fundit të paqes, ballë për ballë janë mbajtur më 29 mars. Kontaktet kanë vazhduar nga distanca për disa kohë, por të dyja palët tani thonë se ato janë ndalur.

Rusia nisi pushtimin e Ukrainës fqinje më 24 shkurt.

Ndërkohë, forcat ruse po fillojnë avancimin e tyre më të fortë në javët e fundit, në rajonin lindor të Donbasit, pasi që në fillim të këtij muaji u tërhoqën nga kryeqyteti Kiev dhe nga periferia e qytetit të dytë më të madh, Harkivit./REL

Kryeministri i Mbretërisë së Bashkuar, Boris Johnson thotë se Rusia po bën përparim të ngadaltë dhe të dukshëm në rajonin Donbas të Ukrainës.

“Unë mendoj se është shumë e rëndësishme që ne të mos mbytemi për shkak të heroizmit të jashtëzakonshëm të ukrainasve në largimin e rusëve nga portat e Kievit.

Kam frikë se Putini me kosto të madhe për veten dhe ushtrinë ruse po vazhdon të përtypet në tokë në Donbas, ai po vazhdon të bëjë hapa të ngadalshëm, por, kam frikë, për përparim të dukshëm”, ka thënë kyeministri.

Ky i fundit theksoi se është absolutisht jetike që të vazhdojnë të mbështesin ushtarakisht ukrainasët.