Sekretari amerikan i Shtetit, Antony Blinken foli të premten me ministrin e jashtëm ukrainas Dmytro Kuleba.
Këtë e bëri të ditur zëdhënësi i Departamentit të Shtetit, Ned Price, njofton CNN, përcjell "Bota sot".
"Për të diskutuar mbi ndihmën e vazhdueshme të SHBA-së për sigurinë për Ukrainën pasi ajo mbron sovranitetin dhe integritetin e saj territorial përballë luftës brutale dhe të paprovokuar të Rusisë", njoftoi Price.
"Sekretari dhe Ministri i Jashtëm Kuleba ndanë përditësime mbi përpjekjet për të zgjidhur krizën globale të sigurisë ushqimore të shkaktuar nga pushtimi i Presidentit Putin, duke vënë në dukje se Kremlini vazhdon të armatizojë ushqimin dhe të përhapë pretendime të rreme për sanksionet e SHBA", thuhet në një deklaratë nga Price.
Kjo ishte thirrja e tyre e dytë këtë javë pasi folën të martën.
