LIVE: Putini me mesazh për Perëndimin – Zelenskyy i kundërpërgjigjet ashpër, kjo është porosia për Rusinë

Një raketë ruse ka fluturuar shumë “ulët” mbi centralin bërthamor në jug të Ukrainës, ka bërë të ditur operatori ukrainas që menaxhon me centralin Energoatom.

Në një kumtesë të publikuar nga operatori ukrainas, thuhet se Rusia po vazhdon ta kërcënojë sigurinë bërthamore të centraleve bërthamore të Ukrainës, duke kërcënuar tërë botën me një katastrofë të re bërthamore.

“Rusia ka kryer një akt tjetër terrorist bërthamor. Një raketë gjigante ruse e ngjashme me ato të tipit Caliber, ka fluturuar shumë ulët mbi centralin bërthamor në jug”, thuhet ndër tjera në kumtesë.

Sigurisht se raketa ishte shkrepur në drejtim të Kievit, ku shpërthime të fuqishme janë dëgjuar në orët e para të mëngjesit të sotëm.

Operatori Energoatom nga Ukraina ka njoftuar se forcat ruse akoma nuk po e kuptojnë se një fragment më i vogëli nga raketa që do të mund ta godiste centralin bërthamor, mund të shkaktojë katastrofë bërthamore dhe rrjedhje të materieve radioaktive. 

Kryebashkiaku i Kievit, Vitali Klitschko tha se një person është shtruar në spital pas shpërthimeve të shumta që goditën kryeqytetin të dielën në mëngjes me kohën lokale, raporton CNN, përcjell Bota sot.

“Në lidhje me shpërthimet e mëngjesit të sotëm në qarqet Darnutskyi dhe Dniprovskyi të kryeqytetit, aktualisht nuk ka viktima nga sulmet me raketa në infrastrukturë. Një person u shtrua në spital”, tha Klitschko në Telegram.

Ai tha se shërbimet e qytetit janë ende duke operuar në zonat e prekura.

Rusia “vazhdon të lëshojë sulme raketore dhe ajrore në infrastrukturën ushtarake dhe civile në vendin tonë, veçanërisht në Kiev”, tha Shtabi i Përgjithshëm i Forcave të Armatosura të Ukrainës në një përditësim të veçantë të dielën.

Një nga arsyet pse është kaq e vështirë të kuptosh synimet e Rusisë – dhe atë që është në lojënë luftën e Ukrainës – është diferenca e rëndësishme midis mënyrës se si i shohin ngjarjet  vëzhguesit e jashtëm, dhe si shihen ato nga Kremlini. Fakt është se shumica e diskutimeve të sotme mbi mënyrën se si duhet ta ndihmojmë Ukrainën të fitojë në fushën e betejës, tadetyrojmë Kievin të bëjë lëshime, apo t’i krijojmë mundësinë presidentin rus Vladimir Putin të shpëtojë fytyrën e vet, kanë pak të përbashkëta me realitetin.

Më poshtë janë 5 supozimet e zakonshme, rreth asaj se si Putin e sheh këtë luftë. Por në rast se dëshiron të jetë më efektiv në qasjen e tij, dhe të ulë rreziqet e përshkallëzimit të konfliktit, Perëndimi duhet ta shohë ndryshesituatën.

Supozimi nr.1: Putin e di se po e humb luftën

Ky supozim buron nga ideja e gabuar, sipas së cilës qëllimi kryesor i Rusisë është të marrë kontrollin e pjesëve të mëdha të Ukrainës. Ndaj kur ushtria ruse shfaqet dobët në front, nuk arrin të përparojë, madje edhe tërhiqet, kjo përbën dështim. Por qëllimet kryesore të Putinit në këtë luftë, nuk kanë qenë kurrë të fitojë territor të ri.

Përkundrazi, Putin dëshiron ta shkatërrojë Ukrainën, vend që e cilëson një “anti-Rusi”. Pra ta pengojë Perëndiminnga përdorimi i territorit të Ukrainës, si një urë lidhëse për aktivitetet gjeopolitike anti-ruse. Dhe në këtë aspekt, Rusia nuk e sheh veten si të dështuar. 

Ukraina nuk do të anëtarësohet në NATO, dhe as nuk do të jetë në gjendje të ekzistojë në paqe, pa marrë parasysh kërkesat e Moskës për rusifikimin dhe “de-NATO–fikimin”. Për të arritur synime të tilla, Rusisë i mjafton të ketë një lloj pranie në territorin ukrainas, dhe të vazhdojë të sulmojë infrastrukturën ukrainase. 

Lexo lajmin e plotë KËTU.

Agjencia shtetërore ruse e lajmeve TASS tha se pesë civilë u vranë të shtunën si rezultat i shpërthimeve të shumta pranë qytetit të Donetsk. Ndërkohë, qindra njerëz po ikin çdo ditë nga qyteti lindor i Slovianskut, raporton CNN, përcjell "Bota sot".

Këtu janë zhvillimet më të fundit për luftën në Ukrainë:

Shpërthimet në Donetsk: Pesë persona humbën jetën dhe 20 të tjerë u plagosën si pasojë e shpërthimeve të shumta pranë qytetit të Donetskut të shkaktuara nga forcat e armatosura të Ukrainës, njoftoi agjencia shtetërore ruse e lajmeve TASS. Qyteti mbahet nga Republika Popullore e vetëshpallur e Donetskut, por rrallëherë bombardohet nga forcat ukrainase. Zyrtarët ukrainas nuk kanë komentuar mbi shpërthimet.

Kishat e shkatërruara: Presidenti ukrainas Volodymyr Zelensky tha se artileria ruse ka "shkatërruar" 113 kisha që nga pushtimi i Ukrainës. "Midis tyre janë ato të lashta - ato që i rezistuan Luftës së Dytë Botërore, por nuk i rezistuan pushtimit rus," tha ai. Të shtunën, CNN raportoi se Kisha e Gjithë Shenjtorëve në Sviatohirsk Lavra ishte "shkatërruar" nga granatimet ruse.

Lufta për Severodonetsk: Ushtria ruse po "hedh të gjitha rezervat e saj në" pushtimin e qytetit të Severodonetsk në rajonin lindor të Luhanskut, sipas Serhiy Hayday, kreut të administratës ushtarake rajonale. "Ata kishin arritur më parë të kapnin pjesën më të madhe të qytetit, por tani ushtria jonë i ka shtyrë prapa," tha ai, duke pretenduar se rusët "po pësojnë humbje të mëdha". Më herët të shtunën, Hayday tha se Ukraina tani kontrollon rreth gjysmën e Severodonetsk.

Qindra po largohen nga Sloviansk çdo ditë: Qindra njerëz po ikin nga qyteti lindor pasi ushtria ukrainase thotë se njësitë ruse janë duke u përforcuar në afrimet drejt Slovianskut në përgatitje për të rifilluar një ofensivë. Shtabi i Përgjithshëm i Forcave të Armatosura të Ukrainës tha të premten se rusët po përqendrojnë një forcë prej deri në 20 grupe taktike batalioni në zonë. Aktualisht kanë mbetur rreth 22,000 njerëz në Sloviansk, rreth një e pesta e popullsisë së paraluftës.

Gjendja e luftimeve: Ndërsa Rusia intensifikon sulmin e saj në pjesën lindore të Ukrainës, ushtria ukrainase ka pohuar se trupat ruse po bëjnë pak përparim, veçanërisht në rajonin e Donetsk. Aktiviteti ajror i Rusisë "mbetet i lartë" mbi Ukrainën lindore dhe ka kontribuar në "sukseset e fundit taktike" të Rusisë, por "ka dështuar të ketë një ndikim domethënës në konflikt", tha të shtunën vlerësimi i fundit i inteligjencës nga ministria e mbrojtjes e Mbretërisë së Bashkuar. Presidenti ukrainas Volodymyr Zelensky tha këtë javë se një e pesta e territorit të vendit është nën kontrollin rus, me zonën e Donbasit "pothuajse tërësisht të shkatërruar".

Ministri i Jashtëm ukrainas kritikon Macron: Ministri i Jashtëm i Ukrainës Dmytro Kuleba reagoi me zemërim ndaj komenteve të presidentit francez Emmanuel Macron se "ne nuk duhet të poshtërojmë Rusinë". Kuleba tha se është "Rusia ajo që poshtëron veten. Të gjithë më mirë të përqendrohemi se si ta vendosim Rusinë në vendin e saj. Kjo do të sjellë paqe dhe do të shpëtojë jetë."

Disa shpërthime u raportuan rreth kryeqytetit ukrainas Kiev në agim të së dielës me orën lokale.

"Disa shpërthime në lagjet Darnutskyi dhe Dniprovskyi të Kievit. Shërbimet tashmë janë duke punuar në vend. Informacion më të detajuar më vonë," tha kryetari i bashkisë së Kievit Vitali Klitschko në Telegram, përcjell "Bota sot".

Një gazetar i CNN që pa pasojat e shpërthimeve tha se një në veri-lindje të Kievit dërgoi një kolonë të trashë tymi në qiell.

Pati gjithashtu raporte për sulme me raketa rreth qytetit port të Odesa-s herët të dielën.

Oleksii Reznikov, ministri ukrainas i Mbrojtjes, tha se është "e vështirë të parashikohet se kur do të përfundojë lufta, por parashikimi im optimist është se ajo mund të përfundojë deri në fund të vitit".

Reznikov po fliste në forumin GLOBSEC-2022 në Bratislavë në Sllovaki, raporton CCN, përcjell "Bota sot"

Ai tha se forcat e mbrojtjes ukrainase kanë nevojë ende për armë të rënda, kryesisht MLRS, si dhe për artileri të tjera, tanke, sisteme kundër anijeve, sisteme pa pilot, raketa dhe mbrojtje ajrore.

"Ne kemi nevojë për to shpejt dhe në sasi në përpjesëtim me shkallën e kërcënimeve. Ukraina u gjend në një gjendje lufte pa mbështetjen e duhur nga bota demokratike," tha ai.

"Situata po ndryshon tani, por ngadalë. Ne vlerësojmë kontributin e secilit vend që është aktualisht me Ukrainën, që është angazhuar për të rritur efektivitetin e mbështetjes ndërkombëtare," tha Reznikov.

Ai shtoi: "Ukraina ka ndryshuar filozofinë e saj në furnizimin me armë. Nëse në muajin e parë të luftës ne u fokusuam në marrjen e sistemeve portative antitanke dhe kundërajrore, tani natyra e luftës ka ndryshuar dhe ne kemi nevojë për më shumë armë”.

"Në rajonin e Khersonit, ushtria ruse po ndërton një mbrojtje të thellë. Qëllimi ynë është të parandalojmë realizimin e skenarëve rusë dhe të çlirojmë territoret tona sa më shpejt të jetë e mundur," tha ai.

Presidenti ukrainas Volodymyr Zelensky tha se artileria ruse ka "shkatërruar" 113 kisha gjatë me Ukrainën, raporton CNN, përcjell "Bota sot".

Në fjalimin e tij të natës të shtunën, Zelensky tha: "Midis tyre janë ato të lashta - ato që i rezistuan Luftës së Dytë Botërore, por nuk i rezistuan pushtimit rus".

"Ka edhe nga ato që u ndërtuan pas vitit 1991. Rindërtimi i Sketës së Gjithë Shenjtorëve të Lavrës Sviatohirsk filloi në 2001. 10 qershori do të ishte një tjetër përvjetor i fillimit të ndërtimit," tha ai.

Më herët të shtunën, CNN raportoi se Kisha e Gjithë Shenjtorëve në Sviatohirsk Lavra ishte "shkatërruar" nga granatimet ruse.

Zelensky vuri në dukje në fjalimin e tij se "nuk është granatimi i parë i Lavrës" dhe "tre murgj të Lavrës u vranë nga bombardimet ruse të mërkurën. Shërbimet e adhurimit janë të detyruar të mbahen në bodrum."

Sipas Presidentit, tingujt e artilerisë ruse në hyrje janë "të vazhdueshme" në Lavra.

Zelensky theksoi se Sviatohirsk Lavra "i përket Kishës Ortodokse të Ukrainës, e cila ende konsiderohet në Moskë si e lidhur me Kishën Ortodokse Ruse, por edhe kjo nuk e ndalon ushtrinë ruse".

Në dritën e "mbështetjes së hierarkëve ortodoksë në Rusi për agresionin kundër Ukrainës", Zelensky i bëri thirrje Kishës Ortodokse të Ukrainës "të nxjerrë përfundime".

"Ushtria ruse mund të ndalojë djegien e kishave. Ushtria ruse mund të ndalojë së shkatërruari qytete. Ushtria ruse mund të ndalojë vrasjen e fëmijëve. Nëse i njëjti person në Moskë thjesht jep një urdhër të tillë. Dhe fakti që ende nuk ka një urdhër të tillë është e qartë poshtërim për të gjithë botën”, tha ai.