Forcat ruse kanë goditur një treg në qytetin Sloviansk në Ukrainën lindore, duke vrarë një grua dhe duke plagosur të paktën tre persona të tjerë, përcjell Bota sot.
Tym u pa që dilte nga një dyqan automobilistik dhe flakët përfshiu rreshtat e tezgave të tregut, sipas një reporteri të Reuters.
Nuk është menjëherë e qartë se çfarë lloj arme goditi qytetin, i cili ndodhet në rajonin e Donetskut të Ukrainës.
Policia lokale tha se tregu ishte mbyllur për ditën, por disa dyqane ishin ende të hapura.
Kryebashkiaku i Slovianskut, Vadym Lyakh u kërkoi qytetarëve të qëndrojnë në strehimore, duke thënë se qyteti ishte nën bombardime masive.
