Situata humanitare në qytetin lindor të Ukrainës, Severodonetsk, do të jetë "katastrofike" në të ardhmen e afërt, sipas Oleksandr Striuk, kreut të administratës ushtarake të qytetit, raporton CNN, përcjell "Bota sot".
Striuk tha të premten se shumica e infrastrukturës së qytetit nuk mund të restaurohet dhe kushtet sanitare janë veçanërisht të këqija. Ai tha se kolektori qendror i ujërave të zeza është dëmtuar rëndë së bashku me stacionet e pompimit dhe marrjen e ujit.
Pas muajsh luftimesh, trupat ruse morën kontrollin e qytetit lindor në fund të qershorit.
Striuk tha “90% e stokut të banesave është dëmtuar; 60% kërkojnë prishje dhe rindërtim”.
Ai shtoi se pjesa më e madhe e qytetit do të duhet të rindërtohet dhe shumë ndërtesa të larta do të duhet të ndërtohen përsëri nga e para.
