Lufta e Ukrainës tregon se dominimit të Perëndimit po i vjen fundi pasi Kina po ngrihet në statusin e superfuqisë në partneritet me Rusinë në një nga pikat më të rëndësishme të ndryshimit në shekuj, ka thënë ish-kryeministri britanik Tony Blair.
Bota, tha Blair, ishte në një pikë kthese në histori të krahasueshme me fundin e Luftës së Dytë Botërore ose me rënien e Bashkimit Sovjetik: por këtë herë Perëndimi nuk është qartësisht në rritje, përcjell Bota sot.
"Ne po i afrohemi fundit të dominimit politik dhe ekonomik perëndimor," tha Blair në një leksion të titulluar "Pas Ukrainës, çfarë mësimesh tani për lidershipin perëndimor?" sipas një teksti të fjalimit në një forum që mbështet aleancën midis Shteteve të Bashkuara dhe Evropës në Ditchley Park në perëndim të Londrës.
"Bota do të jetë të paktën bi-polare dhe ndoshta shumëpolare," tha Blair. “Ndryshimi më i madh gjeopolitik i këtij shekulli do të vijë nga Kina dhe jo nga Rusia.”
