Zyrtarët ukrainas kanë dhënë detaje të mëtejshme të objektivave të goditura në Kherson të pushtuar nga Rusia në jug të vendit, përcjell Bota sot.
Serhii Khlan, këshilltar i kreut të administratës civile-ushtarake Kherson, tha se objektivi i tretë që u godit në 24 orët e fundit ishte në rrethin e Beryslav në bregun verior të lumit Dnieper.
“Baza e pushtuesve u shkatërrua, ku ata vendosën edhe depo pajisjesh dhe municionesh”, tha Khlan.
Më vete, Natalia Humeniuk, zëdhënëse e Komandës Operacionale Jug, i tha CNN se "në orën 5 të mëngjesit, njësitë tona goditën një përqendrim të armikut, armëve dhe pajisjeve, si dhe një depo municioni në rrethin Raiske [afër Nova Kakhovka në bregun jugor të lumi] dhe një magazinë municionesh në rrethin Beryslav."
CNN ka gjetur në mënyrë të pavarur video të një shpërthimi të madh në Raiske në agimin e së hënës.
Forcat ukrainase kanë shënjestruar vendet ruse të municionit dhe postet komanduese në Kherson pothuajse çdo ditë gjatë dy javëve të fundit në një përpjekje për të ndërprerë linjat e furnizimit ruse.
