Një shtetas amerikan i dënuar me vdekje nga gjykata për “vrasje të qëllimshme” të ish-të dashurës së tij, ka humbur sot ankimimin në apel, njoftonte rrjeti shtetëror kinez CCTV.
Pas gjyqit të mbajtur “në sesion të hapur” në provincën lindore të Zhejiang apeli i Shadeed Abdulmateen u refuzua, duke lënë në fuqi verdiktin fillestar, të dhënë në prill nga gjykata në Ningbo.
Në gjykimin e parë u tha se pas ndarjes së çiftit në qershor 2019 i akuzuari kishte kërkuar të takohej me viktimën, një grua me mbiemrin Chen, në një stacion autobuzi në Ningbo, ku rrjedhimisht e vrau me thikë.
“Gjykata e lartë e Zhejiang … vendos se faktet e zbuluara nga gjykata e shkallës së dytë në Ningbo janë të qarta, të vërteta e të mjaftueshme dhe dënimi është i përshtatshëm”, thuhej në vendin, sipas CCTV.
Në shumë pak raste në Kinë gjykata e lartë kthen për rigjykim verdiktet për çështje të tilla.
Grupi i monitorimit të të drejtave Amnesty International ka thënë se beson se Kina kryen mijëra ekzekutime çdo vit por shifra e tyre nuk publikohet.
I akuzuari kishe avokat të caktuar nga gjykata, dhe përfaqësues të konsullatës së SHBA në Shanghai ishin prezentë në gjyqin e sotëm, tha CCTV.
