Kremlini ka këmbëngulur se i ashtuquajturi “operacion special ushtarak” në Ukrainë po vazhdon sipas planit, pavarësisht lajmeve se trupat e Kievit kanë nisur një kundërofensivë të shumëpritur në jug të vendit.
Në konferencën e tij të rregullt me gazetarët, zëdhënësit të Kremlinit Dmitry Peskov iu kërkua t’i përgjigjet komenteve të Volodymyr Zelensky se trupat ruse duhet të largohen pasi ushtria e tij thuhet se depërtoi disa nga mbrojtjet e tyre të martën, raporton The Guardian.
“Operacioni special ushtarak vazhdon, vazhdon metodikisht dhe në koordinim me planet aktuale. Të gjitha objektivat do të përmbushen”, tha Peskov.
Ai komentoi gjithashtu thirrjet e disa liderëve evropianë për ndalimin e vizave turistike për rusët, duke i përshkruar propozimet si “irracionale” dhe manifestimin e fundit të agjendës anti-ruse të perëndimit.
Ai tha se veprimet e Evropës ndaj Rusisë ishin “kufi me çmendurinë” duke shtuar se veprime të tilla nuk mund të mbeten pa përgjigje.
